“Бүргэдийн баяр” наадам “Чингис хааны хүрээ” цогцолборт болно

Нүүдэлчдийн ёс заншил, өв уламжлал, өвөрмөц соёлыг сурталчлан таниулах, залуу үедээ өвлүүлэн үлдээх зорилготой “Бүргэдийн баяр” наадам гуравдугаар сарын 7-8-ны өдрүүдэд “Чингис хааны хүрээ” аялал жуулчлалын цогцолборт болно.

20 дахь жилдээ зохион байгуулагдаж буй тус наадам энэ жил анх удаа “Дэлхийн аварга шалгаруулах тэмцээн” болж өргөжиж байгаараараа онцлогтой юм.

Наадмын өдрүүдэд иргэд, жуулчдад зориулан Сүхбаатарын талбайн урд талын авто зогсоолоос “Чингис хааны хүрээ” аялал жуулчлалын цогцолбор руу автобус үнэ төлбөргүй үйлчилнэ.