Өнөөдрийн цаг агаарын тойм: ихэнх нутгаар тогтуун, зарим газарт ялимгүй цас орно

Өнөөдөр ихэнх нутгаар цаг агаар тогтуун байна. Нутгийн зүүн хойд хэсгээр үүлшинэ, бусад нутгаар багавтар үүлтэй байна. Онон, Улз голын хөндийгөөр ялимгүй цас орно, бусад нутгаар цас орохгүй.

Салхи нутгийн зүүн хэсгээр баруун хойноос, бусад нутгаар баруунаас секундэд 4-9 метр, нутгийн зүүн хэсгээр секундэд 12-14 метр хүрч ширүүснэ.

Улаанбаатарт өнөөдөр багавтар үүлтэй, цас орохгүй. Салхи баруунаас секундэд 2-7 метр, температур -7…-9 градус хүйтэн байна.

Тус өдөр Дархадын хотгор, Завхан голын эх, Идэр, Тэс голын хөндийгөөр -20…-25 градус, Увс нуурын хотгор, Хөвсгөл, Хэнтийн уулархаг нутаг, Заг-Байдраг голын хөндий, Эг, Үүр, Ерөө голын хөндийгөөр -14…-19 градус, говийн бүс нутгийн баруун өмнөд хэсгээр +2…-3 градус, Их нууруудын хотгор, Хангайн нурууны өвөр бэл, говийн бүс нутгийн хойд хэсгээр -3…-8 градус, бусад нутгаар -7…-12 градус хүйтэн байна.