Хоёрдугаар сард Монгол бөхийн үндэсний болон цагаан сарын барилдааны хуваарь
Монгол Үндэсний Бөхийн Холбоо (МҮБХ)-ноос ирэх хоёрдугаар сард Монгол Бөхийн Өргөө (МБӨ)-д зохион байгуулагдах үндэсний бөхийн болон цагаан сарын баярт зориулсан арга хэмжээг танилцууллаа.
Хоёрдугаар сарын 1-нд Ням гарагт 11:00 цагт Хавдрын эсрэг дэлхийн өдөрт зориулсан, Хавдрын эсрэг үндэсний зөвлөлийн нэрэмжит сумын цолтон болон залуу бөхчүүдийн уламжлалт барилдаан болно.
7-нд Бямба гарагт 13:00 цагт Баянхонгор аймгийн Шинэжинст сумын түүхт 70 жилийн ойд зориулсан улс, аймаг, цэргийн цолтой 128 бөхийн барилдаан зохион байгуулагдана.
8-нд Ням гарагт 11:00 цагт Их Монгол Хасын Шаравжамц аваргын мэндэлсний 150 жилийн ой, сар шинийн хүчит бөхийн барилдааны сорилго болох улс, аймаг, цэргийн цолтой 256 бөхийн барилдаан болно.
9-нд Даваа гарагт 13:00 цагт сар шинийн баярт зориулсан өсвөрийн бөхийн барилдаан болон ахмад бөхчүүдийн барилдаан зэрэг арга хэмжээ зохион байгуулагдана.
10-нд Мягмар гарагт 11:00 цагт Тарвалин хийдийн нэрэмжит сар шинийн баярт зориулсан сумын цолтон болон залуу бөхчүүдийн барилдаан болно.
11-нд Лхагва гарагт 11:00 цагт сар шинийн баярт зориулсан аймаг, цэргийн начин, харцага цолтнуудын барилдаан, мөн 12:00 цагт бөхчүүд, бөхийн зүтгэлтнүүд оролцсон шатрын тэмцээн зохион байгуулагдана.
12-нд Пүрэв гарагт 11:00 цагт Дашчойлин хийдийн нэрэмжит сар шинийн баярт зориулсан аймаг, цэрэг, сумын цолтой болон залуу 256 бөхийн барилдаан болно.
13-нд Баасан гарагт 09:00 цагт сар шинийн баярт зориулсан шагайн харвааны тэмцээн, 14-нд Бямба гарагт 09:00 цагт бөхчүүдийн шагайн харвааны тэмцээн зохион байгуулагдана.
15-нд Ням гарагт 13:00 цагт сар шинийн хүчит бөхийн барилдаанд оролцох аймаг, цэрэг, сумын цолтой бөхчүүдийн эрхийн барилдаан болно.
16-нд Даваа гарагт 13:00 цагт сар шинийн баярт зориулсан улс, аймаг, цэрэг, сумын цолтой болон залуу 256 бөхийн барилдааны нэг, хоёрын даваа, 17-нд Мягмар гарагт 13:00 цагт 3-8 даваа зохион байгуулагдана.
27-нд Баасан гарагт 13:00 цагт Баянхонгор аймгийн золголтод зориулсан улс, аймаг, цэрэг, сумын цолтой 128 бөхийн барилдаан, 28-нд Бямба гарагт 13:00 цагт Булган аймгаас төрөн гарсан аваргуудын нэрэмжит 128 бөхийн барилдаан болно.