Хуурамч дугаартай 549 тээврийн хэрэгсэл илэрчээ
2026-01-15 20:001min
Тээврийн Цагдаагийн Алба хуурамч улсын дугаартай 549 тээврийн хэрэгслийг илрүүлж, Зөрчлийн тухай хуулиар торгох арга хэмжээ авч байна. Телекамерын системээр зөрчлийг илрүүлж, арилгуулах ажил үргэлжилж байна.
Тээврийн Цагдаагийн Албанаас хуурамч улсын дугаартай 549 тээврийн хэрэгслийг илрүүлсэн талаар мэдээллээ.
Зөрчлийн тухай хуулийн 14.7.12 дугаар заалтаар улсын дугааргүй тээврийн хэрэгсэл замын хөдөлгөөнд оролцсон тохиолдолд 25,000 төгрөгөөр торгох хариуцлага тооцдог.
Улсын дугааргүй тээврийн хэрэгслийн зөрчлийг телекамерын ухаалаг системээр илрүүлж, зөрчлийг арилгуулах арга хэмжээг авч байна.
Тээврийн Цагдаагийн Алба замын хөдөлгөөний дүрмийг чанд баримтлах, бусдад хүндэтгэлтэй хандаж хөдөлгөөнд соёлтой оролцохыг зөвлөж байна.