Эрүүл мэндийн салбарын ажилтнууд цалингийн асуудлаар хэлэлцээр хийж, ажил хаялтыг хойшлууллаа
Монголын Эрүүл мэндийн ажилтны үйлдвэрчний эвлэлийн төлөөлөл 2025 оны арваннэгдүгээр сарын 12-нд Эрүүл мэндийн сайд Ж.Чинбүрэн, Сангийн сайд Б.Жавхлан, Гэр бүл, хөдөлмөр, нийгмийн хамгааллын сайд Т.Аубакир нартай уулзалт хийж, салбарын эмч, ажилчдын цалинг 3.5 сая төгрөгт хүргэх шаардлагыг тавьжээ.
Үйлдвэрчний эвлэлийн холбооны дарга Ч.Нарантуяа хэлэхдээ, эрүүл мэндийн салбарын ажилчид Сүхбаатарын талбайд суулт зохион байгуулж, аймаг, сумдын эрүүл мэндийн байгууллагууд нэгдэн үндэсний хэмжээнд дэмжлэг үзүүлсэн нь түүхэн үйл явдал болсон гэж тэмдэглэв.
Тэдний тэмцлийн үр дүнд эхлээд 15 хувь, дараа нь 30 хувийн цалин нэмэх асуудлыг ярьж, 2026 оны төсөвт салбарын цалин нэмэгдэхээр тусгагдаагүй байсан ч урьдчилсан хэлэлцээрт 75 хувиар нэмэх саналыг дэмжсэн байна.
Үүний улмаас 2025 оны арваннэгдүгээр сарын 13-ны өглөөний 08:00 цагт эхлэх байсан улс орон даяар ажил хаях арга хэмжээг нэг хоногоор хойшлуулж, нэмэлт хэлэлцээр хийхээр тохиролцсон бөгөөд гурван тал хэлэлцээр амжилттай болвол ажил хаялтыг бүрэн зогсоохоор төлөвлөжээ.
Энэ хугацаанд эмнэлгүүд хэвийн горимоор үйл ажиллагаагаа явуулахыг онцолсон байна.