Боловсрол суваг телевизээс зохион байгуулсан “Яг түүн шиг” шоуны хагас финалын ялагчаар жүжигчин Т.Бархүү яг Б.Амархүү шиг хувирч 10 сая төгрөгийн эзнээр тодорсон билээ. Тэрээр мөн есөн дугаарын туршид цуглуулсан оноогоороо ялалт байгуулж найман сая төгрөгөөр шагнуулсан. Шагналын мөнгөө ард түмэнтэйгээ хуваалцах амлалтаа биелүүлж Т.Бархүүгийн гэр бүлийн зүгээс Б.Амингэрэл охины эмчилгээнд хандив өргөжээ.
Мөн тэрээр өнгөрөгч зургадугаар сарын 24-нд Монголын сагсан бөмбөгийн шигшээ багийн холбон тоглогч О.Дөлгөөний эмчилгээнд хандиваа өргөсөн байдаг юм. Жүжигчин Т.Бархүүгийн гэр бүлээс дараах уриалгыг хүргэжээ.
