Траншейны нүхэнд бага насны охин унаж амиа алджээ
Дархан-Уул аймгийн Дархан сумын X багт байрлах 4-2 дугаар байрны өмнөх бохир усны худагт бага насны хүүхэд унаж эндсэн харамсалтай хэрэг гарчээ. Хэргийн талаарх дуудлага аймгийн Онцгой байдлын газарт 23:15 цагт ирсэн байна. Гал унтраах, аврах 22 дугаар ангийн дөрвөн албан хаагч траншейны нүхнээс гурван настай охины цогцсыг гарган, хэргийг шалгуулахаар цагдаагийн байгууллагад шилжүүлжээ.