Илон Маск хоёрхон минутын дотор нэг тэрбум доллараа алдав
Америкийн тэрбумтан, SpaceX, Tesla компаниудыг үүсгэн байгуулагч Илон Маск NASDAQ биржийн арилжааны эхний хоёрхон минутын хугацаанд 1,1 тэрбум доллараа алдсан байна. Энэ нь Tesla-гийн хувьцаа 11 хувиар унасантай холбоотой гэж Bloomberg агентлаг мэдээлжээ.
Цахилгаан автомашин үйлдвэрлэгч тус компанийн нийлүүлэлт I улиралд хамгийн доод түвшинд хүрч унасан гэж өмнө нь мэдээлж байсан юм. Нью-Йоркийн цагаар 9:32 цагийн үед буюу арилжаа эхэлснээс дөнгөж хоёрхон минут болж байхад Маскийн хөрөнгө 22,3 тэрбум долларт хүрчээ. Ийнхүү алдагдал нь нэг тэрбум гаруй доллар болсон байна.
Өдрийн турш байдал арай дээрдсэн ч компани алдагдал хүлээсээр л байлаа. Орой гэхэд Tesla-гийн хувьцаа өмнөх арилжаатай харьцуулахад найман хувиар унажээ. Bloomberg Billionaires-ийн индексээс үзэхэд Маскийн алдагдал 674 сая доллар болж багассан байна.
Эх сурвалж: https://iz.ru/