Дэлхийн гурван удаагийн аварга дугуйчин амиа хорложээ

АНУ-ын тамирчин, дэлхийн дугуйн спортын гурван удаагийн аварга, 23 настай Келли Кэтлин амиа егүүтгэжээ. Энэ талаар түүний эцэг Марк Кэтлин “VeloNews”  хэвлэлд өчигдөр мэдээлсэн байна. Бүсгүйн цогцсыг Калифорни дахь гэрээс нь олжээ.

Түүнчлэн Кэтлин нас барсан тухай мэдэгдлийг АНУ-ын Дугуйн спортын холбооны төлөөлөгч Боб Демартини энэ сарын 10-ны өдөр мэдэгджээ. Тэрбээр эмгэнэл илэрхийлээд, Кэтлин тус улсын дугуйн спортын гишүүнээр үүрд үлдэнэ гэсэн байна.

Эх сурвалж: iz.ru