Хотын даргад олонхийн санал авсан С.Мөнхчулууны ХОМ

Нийслэлийн Засаг дарга бөгөөд Улаанбаатар хотын захирагчид нэр дэвшиж олонхийн санал аваад байгаа С.Мөнхчулууныг ХОМ-ыг танилцуулж байна.

Хотын шинэ дарга С.Мөнхчулуун Нийслэлийн унаган хүүхэд, Орбитод өссөн. Аав нь цэргийн хүн. Өдгөө 40 настай.

ЭЗЭМШСЭН БОЛОВСРОЛ:

1997- 2001 Техникийн их сургуулийн механик инженерийн анги, ХБНГУ-ын Карлсрүхэ хотын Их сургуулийг төгссөн бөгөөд Төрийн удирдлагын магистр зэрэгтэй.

ТӨРД АЖИЛЛАСАН БАЙДАЛ:

•  2009- 2010 онд Нийслэлийн Өмчийн харилцааны газарт бүртгэлийн мэргэжилтэн
• 2010- 2012 онд Нийслэлийн Өмчийн харилцааны газрын Төр, хувийн хэвшлийн түншлэл, концессын хэлтсийн дарга,
• 2012- 2016 онд Сонгинохайрхан дүүргийн Засаг даргын Тамгын газрын даргаар ажиллаж байжээ.

СОНГУУЛЬТ АЖИЛ: 

• 2008-2009 онд СХД-ийн МАХН-ын хорооны дэд дарга,
• 2016 оноос Нийслэлийн намын хорооны гишүүн,
• 2016 оноос МАН ын Бага хурлын гишүүн,
• 2016 оноос Нийслэлийн МАН-ын хорооны гишүүн,
• 2016 оноос Нийслэлийн МАН-ын хорооны дэд дарга, 2016 онд МАН-аас нэр дэвшиж, НИТХ-д төлөөлөгчөөр сонгогдсон,
• 2016 оноос НИТХ-ын Хууль зүй, төрийн байгуулалтын хорооны дарга,
• 2016 оны арванхоёрдугаар сараас 2018 оны арванхоёрдугаар сар хүртэл НИТХ дах МАН-ын бүлгийн даргаар ажиллажээ.