Эмээлт шалган нэвтрүүлэх товчоогоор энэ сарын 3-ны өдрийн 15.25 цагт “NISSAN HINO” маркийн тээврийн хэрэгсэлтэй иргэн Б-г арьстай 20 ширхэг тарвага тээвэрлэж явсан зөрчлийг илрүүлэн Зооноз өвчин судлалын үндэсний төвд хүлээлгэн өгсөн байна.
Эмээлт шалган нэвтрүүлэх товчоонд үүрэг гүйцэтгэж байсан Сонгинохайрхан дүүрэг дэх Мэргэжлийн хяналтын хэлтсийн мал эмнэлгийн хяналтын улсын байцаагч тус товчоогоор наймдугаар сарын 31-ны оройн 22.00 цагийн орчимд Архангай аймгийн Чулуут сумаас тээвэрлэгдэн ирсэн арьстай 2 ширхэг тарвага тээвэрлэж явсан зөрчлийг илрүүлэн Зооноз өвчин судлалын үндэсний төвд хүлээлгэн өгсөн байна.
Мөн тус товчоогоор есдүгээр сарын 1-ний өдрийн 11.05 цагт “ISTANA” маркийн тээврийн хэрэгсэлтэй иргэн Н-г арьстай 3 ширхэг тарвага, иргэн Б-г арьстай 2 ширхэг тарвага тээвэрлэж явсан зөрчлийг илрүүлэн Зооноз өвчин судлалын үндэсний төвд хүлээлгэн өгчээ.
