11 настай охиныг эхнэр болгож авсан ламд эрүү үүсгэжээ
Че Абдул Карим Че Абдул Хамид гэгч 41 настай эрийг Тайландаас 11 настай охиныг эхнэр болгож авсан хэрэгт нь эрүү үүсгэн шалгаж эхэлжээ.
Лалын шашинд эхнэр болох охидын насны доод хязгаар 16 гэж заасан байдгийг зөрчсөн хэргээр хариуцлага хүлээх юм байна. Малайзын эрх баригчид Келантан мужийн нэгэн сүмийн имам /лалын шашны сүмийн ламтан/ 11 настай охиноос гадна хоёр эхнэр, зургаан хүүхэдтэй аж.
Охины эцэг, эх нь гэр бүлээрээ Малайзад каучукны үйлдвэрт ажилладаг гэнэ.Че Абдул Карим Че Абдул Хамид болон эхнэр болсон охины эцэг байцаалт өгөхдөө гэрлэлт нь сайн дурын үндсэн дээр байсан бөгөөд охиныг 16 нас хүрсний дараа л гэрээс нь авч явна гэсэн тохиролцооны үндсэн дээр хийгдсэн зүйл гэж мэдүүлсэн аж. Хятадын “South China Morning Post” энэ талаар мэдээлсэн байна.