Ойрын өдрүүдэд ихэнх нутгаар дуу цахилгаантай бороо орж, сэрүүсэхийг ЦУОШГ-аас анхааруулж буй. Хэдхэн хоногийн өмнө Хөвсгөл аймгийн Ренчинлхүмбэ, Улаан-Уул суманд гурван иргэн аянганд цохиулж амь насаа алджээ. Тэд бороо орж байх үед утсаар нь ярьсан нь үхэлд хүргэх шалтгаан болсон гэнэ. Тиймээс тэнгэрийн дуу, цахилгаантай үед гар утсаар ярихгүй, утсаа унтраах, интернет ашиглахгүй байхыг мэргэжилтнүүд зөвлөлөө.
