Эрүүл мэндийн байгууллагууд 24 цаг бэлэн байдалд ажиллана

Эрүүл мэндийн байгууллагууд сар шинийн баярын өдрүүдээр 24 цаг бэлэн байдалд ажиллана. Төв эмнэлэг, тусгай мэргэжлийн төв, түргэн тусламжийн төв, дүүргийн нэгдсэн эмнэлгүүд 24 цагаар үйл ажиллагаа явуулж, шаардлагатай тохиолдолд мэргэжлийн эмч нар хуваарийн дагуу дуудагдан тусламж, үйлчилгээ үзүүлэх аж.

Эрүүл мэндийн яамнаас хүргүүлсэн зөвлөмжийн дагуу эрүүл мэндийн байгууллага бүрд удирдлагын баг хяналт тавьж, эмч, мэргэжилтнүүд жижүүрлэн ажиллаж, алсын дуудлагын бэлэн байдлыг хангаж, тусламж, үйлчилгээ үзүүлж, ажиллахаар болжээ.