ХБНГУ-ын Мюнхэн хотын театр (Munich kammerspiele)-д үзэгчдийн хүртээл болсон найруулагч Б.Үйзэнмаагийн бүтээл “Шөнө дунд миний төлөө нар мандах үед” (Nachtd als die Sonne for mich schien) жүжгийн тасалбар аль хэдийнэ дуусчээ. Театрын зүгээс уг жүжгийг эрэлт сайтай бүтээл хэмээн дүгнэж дараа жилийн зургадугаар сар хүртэл байнга тоглуулахаар хөтөлбөртөө тусгасан байна.
Б.Үйзанмаа тус улсын Баварийн кино урлагийн академийн “Шилдэг залуу найруулагч”-аар тодорч байсан юм. Сонирхуулахад, тус кино академийн түүхэнд шилдэг найруулагчаар шалгарсан гурван эмэгтэй байдагийн нэг нь Б.Үйзанмаа билээ.
