Сар бүр танилцуулдаг Монголбанкны “Орон сууцны үнийн индекс” бэлэн болжээ. Аравдугаар сарын дүн мэдээнд 4918 орон сууц хамрагдсан байна.
Энэ сарын байдлаар орон сууцны үнийн индекс өмнөх сараас 0.2 хувиар, өнгөрсөн оны мөн үеэс 0.2 хувиар тус тус буурсан байна. Энэ нь зах зээлд нийлүүлэгдсэн хуучин орон сууцны үнэ хямдарсантай холбоотой юм. Аравдугаар сард шинэ орон сууцны 1м.кв дундаж үнэ 2 сая 178 мянган төгрөг болж өмнөх сараас 0.92 хувиар, өнгөрсөн оны мөн үеэс 6.86 хувиар тус тус өссөн үзүүлэлттэй гарчээ.
