“Google” компани 40 орны хэл шууд орчуулж, зөвхөн асуултанд хариулж, мэдээлэл олж өгч туслах утасгүй чихэвч зохион бүтээжээ. Ухаалаг чихэвчний тусламжтайгаар замын маршрут харах, интернэтээс хэрэгтэй мэдээллээ олох боломжтой. Мөн чихэвчийг ашиглахдаа хуруугаар дарах, гүйлгэх, эсвэл дуу хоолойгоор команд хэлж болох аж.
Ирэх сард худалдаанд гарах “Pixel Buds” чихэвчийг 159 ам.доллараар борлуулж эхлэх гэнэ. Тус компани шинэ бүтээлээ энэ сарын 4-нд танилцуулж Англи-Швед рүү орчуулж үзүүлсэн байна.
