“Улаанбаатар зам засвар, арчлалтын газар” ОНӨААТҮГ-ын хамт олон “Улаанбаатар марафонд нэгдэцгээе” Нийслэлийн Засаг даргын нэрэмжит цом аялуулах аяны хүрээнд төлөвлөгөөний дагуу спорт, хүмүүнлэгийн арга хэмжээ зохион явуулж байгаа билээ. Өнөөдөр Үндэсний цэцэрлэгт хүрээлэнд 5000 метрийн зайн гүйлт, төрөл бүрийн буухиа тэмцээнүүдийг амжилттай зохион байгууллаа. Түүнчлэн Хүмүүнлэгийн ажлын хүрээнд тус байгууллагад 30 жил ажилласан, одоо гавъяаныхаа амралтыг эдэлж байгаа ахмад настан С.Төрбат, хөгжлийн бэршээлтэй ажилтан Засвар ашиглалтын албаны замчин Б.Мөнхбаяр, өрх толгойлсон эмэгтэй Үйл ажиллагаа төлөвлөлтийн хэлтсийн Зогсоолын ажилтан З.Бямбаа нарт байгууллагаас нэг удаагийн буцалтгүй тусламж үзүүлсэн юм. 05 дугаар сарын 06-ны өдөр “Цэвэр агаар-нэг мод хөдөлгөөн”-ий хүрээнд хамт олноороо мод тарьж, спортын төгөл бий болгохоор зорьж байна.
