“Хасбанк” ХХК-ийн анхдагч зах зээлийн арилжааны захиалга нийлүүлэлтээсээ давж хаагдлаа

2023-06-06 09:281min0
4fb18a62b3ddeced4a80119ee1e771ea_x3

“ХасБанк ” ХХК нь 2023 оны 05 дугаар сарын 29-нөөс зургаадугаар сарын 05-ны өдрүүдэд МХБ-ийн гишүүн үнэт цаасны компаниудаар дамжуулж нийт хувьцааныхаа 5.0 хувьтай тэнцэх 52,700,000 ширхэг хувьцааг нэмж гарган, нэгж хувьцааг 677 төгрөгөөр олон нийтэд санал болгосны дагуу 2023 оны зургаадугаар сарын 05-ны өдрийн 16:00 цагт анхдагч зах зээлийн арилжааны захиалга хаагдсан болно.

Тус үнэт цаасны анхдагч зах зээлийн хуваарилалтын үйл ажиллагаа нь андеррайтер компаниуд болох “Райнос Инвестмент ҮЦК” ХХК, “Өлзий Энд Ко Капитал ҮЦК” ХХК-ийн захиалга хүлээн авсан систем болон МХБ-ийн IPO систем хооронд тулгалт хийх, үнэт цаасны дансгүй болон бүртгэл нь системд баталгаажаагүй байгаа харилцагчдын мэдээлэл бүрдсэний дараа буюу захиалга хаагдсанаас хойш ажлын 2-3 хоногт бүрэн хийгдэж дуусахыг мэдэгдье.

Сэтгэгдэл бичих

Цахим шуудан нийтлэгдэхгүй