Үндэсний цэцэрлэгт хүрээлэнд намрын “Бүх нийтээр мод тарих” үйл ажиллагааг энэ амралтын өдрүүдэд буюу аравдугаар сарын 8, 9-нд зохион байгуулж байна.
Нийслэлийн ногоон байгууламжийн 23 хувийг дангаараа бүрдүүлдэг тус цэцэрлэгт хүрээлэн нь 2022 онд 20 мянган модыг цэцэрлэгжүүлэлтийн хэлбэрээр, 100 мянган модыг Туул голын эргийн хамгаалалтад ойжуулалтын хэлбэрээр тарихаар төлөвлөсөн.
Хаврын бүх нийтээр мод тарих өдрүүдэд 10 мянган мод тарьсан бол энэ намар 110 мянган модыг 50 гаруй байгууллага, 3,000 гаруй иргэнтэй хамтран тарьж байгааг Үндэсний цэцэрлэгт хүрээлэн ОНӨТҮГ-аас мэдээллээ.
