Өнөөдөр: Хөгжлийн бэрхшээлтэй хүүхдүүдийн сурах, хөгжих эрх зөрчигдөж байгаа талаар хэвлэлийн хурал болно

Гадаад Харилцааны Яам (ГХЯ)-нд

08:50 цагт Гадаад харилцааны сайд Б.Батцэцэг, БНСУ-ын Гадаад хэргийн сайд Пак Жин нар дурсгалын гэрэл зураг татуулж, албан ёсны хэлэлцээ хийнэ.

10:10 цагт Гадаад харилцааны сайд Б.Батцэцэг, БНСУ-ын Гадаад хэргийн сайд Пак Жин нарын албан ёсны хэлэлцээний үр дүнгийн талаар мэдээлнэ.

Мөн өдөр Монгол Улсын Ерөнхийлөгч У.Хүрэлсүх, Монгол Улсын Их хурлын дарга Г.Занданшатар, Монгол Улсын Ерөнхий сайд Л.Оюун-Эрдэнэ нарт бараалхана.

Төрийн ордонд

10:00 цагт УИХ дахь МАН, АН-ын бүлгийн хуралдаан болно.

10:00 цагт “Эдийн засгийн хөгжилд эмэгтэйчүүдийн оролцоог нэмэгдүүлэх нь” үндэсний чуулган болно.

11:00 цагт Ардчилсан Намын дарга С.Эрдэнэ, УИХ-ын гишүүн Д.Ганбат, тус намын хууль, эрх зүйн асуудал хариуцсан дарга О.Баасанхүү нар мэдээлэл хийнэ.

15:00-19:00 цагт УИХ-ын чуулганы нэгдсэн хуралдаан болно.

“Холидэй Инн” зочид буудалд

11:00 цагт Барилга, хот байгуулалтын сайд Б.Мөнхбаатар барилгын зураг төслийн байгууллагуудын төлөөлөгчидтэй уулзана.

Монгол Ньюс мэдээллийн төвд

11:00 цагт “Эх хэлний өдөр”-ийг тохиолдуулан Монгол судлаач Э.Жамуха хэвлэлийн хурал хийнэ.

Хэвлэлийн хүрээлэнд

12:00 цагт хөгжлийн бэрхшээлтэй хүүхдүүдийн сурах, хөгжих эрх зөрчигдөж байгаа талаар “Ээлтэй ертөнц” ТББ, хөгжлийн бэрхшээлтэй хүүхдүүдийн эцэг эхийн төлөөлөл хамтран хэвлэлийн хурал хийнэ.

Боловсрол, Шинжлэх Ухааны Яаманд

13:00 цагт Цэцэрлэгийн бүртгэлтэй холбоотойгоор хэвлэлийн бага хурал зохион байгуулна.

“Новотел” зочид буудалд

14:00 цагт Засгийн газар, НҮБ-ын Хүүхдийн сан хамтран “Ариун цэврийн байгууламжийн хүртээмжийг нэмэгдүүлэх нь” зөвлөлдөх уулзалт зохион байгуулна.