Дэлхийн шатрын 44 дүгээр олимпиад Энэтхэг улсын Ченнай хотноо үргэлжилж байна. Манай эрэгтэй, эмэгтэй багууд өчигдөр/2022.08.06/ найм дахь өргийн тоглолтуудаа хийлээ.
Монгол Улсын эрэгтэй шигшээ баг наймдугаар өрөгт Японы багтай учраа таарч, ээлжит ялалтаа байгууллаа. Манай багаас Д.Батсүрэн, Б.Гүндаваа, С.Билгүүн, С.Ган-Эрдэнэ нар ялалт байгуулснаар 4-0 гэсэн харьцаатай өрсөлдөгчөө буулган авав. Ингэснээр эрэгтэй баг дөрвөн хожил, хоёр тэнцээ, хоёр хожигдолтой нийт 10 оноотой 44 дүгээр байрт бичигдэж байна.
Харин эмэгтэй баг өчигдөр Унгарын багтай тоглолоо. Ширүүхэн өрсөлдөөний эцэст манай баг 2.5-1.5 гэсэн харьцаатай ялалт байгуулав. Манайхаас Т.Мөнхзул, Б.Мөнгөнзул нар ялалт байгуулж, А.Энхтуул тэнцэн Б.Баярмаа ялагдал хүлээжээ.
