Буд, Сугар, Ангараг, Бархасбадь, Санчир, Дэлхийван, Далайван гарагийн жагсаал гэх үзэгдэл харагдах хамгийн тохиромжтой өдөр нь 2022 оны зургаадугаар сарын 24-ний нар мандахаас 1 цагийн өмнө тохиох юм байна.
Таван гарагийн давхцал нь тун ховор тохиолдох үзэгдэл бөгөөд хамгийн сүүлд 2002 оны 12 сард давхцаж байсан бол дараагийн давхцал 2040 онд тохиох юм.
Энэхүү ховор үзэгдлийн талаар олон улсын томоохон мэдээний сайтуудаар мэдээлж байгаа бөгөөд хүний нүдээр харагдах нь Буд, Сугар, Ангараг, Бархасбадь, Санчир гарагууд, хүний нүдэнд харагдахгүй нь Дэлхийван, Далайван гэнэ.
Угтаа бол 7 гараг нэгэн зэрэгт тэнгэрт үзэгдэж, гарагуудын завсар хавирган сар мандсан байх аж.
Эх сурвалж: БОАЖЯ
