Латви улс Оросын байгалийн хийг Балтийн орнуудад нийлүүлэхээ зогсоосноо зарлав

Латвийн хийн дамжуулах системийн Conexus Baltic Grid (Conexus) операторын дарга Улдис Барисса дөрөвдүгээр сарын эхнээс хойш Оросоос Латви, Литва, Эстони руу байгалийн хий нийлүүлэхээ зогсоосон хэмээн мэдэгдсэнийг Jauns.lv мэдээлжээ.

Улдис Бариссагийн хэлснээр, Москвагийн цэнхэр түлшний төлбөрийг рублиэр төлөх тухай мэдэгдэл нь Балтийн орнуудад цэнхэр түлшинд “найдах боломжгүй”-г сануулж, нийлүүлэлтийг эрс багасгах шаардлагатай болж байгааг харуулсан дохио болж өглөө гэжээ.

Үүний зэрэгцээ “Conexus Baltic Grid” компанийн тэргүүн “Одоогийн байдлаар Инчукалнсын хийн агуулах хийн нөөц сайтай байгаа тул ойрын саруудад санаа зовох шалтгаан байхгүй” гэжээ. Үүний өдөр Литвийн Ерөнхийлөгч Гитанас Науседа “Вильнюс Оросын байгалийн хийн нийлүүлэлтээс бүрэн татгалзсан” хэмээн мэдэгдээд байгаа юм.