Америкийн цөмийн салбар Оросын ураныг хоригоос гаргахыг хүсэв: ОХУ уран нийлүүлэлтээ зогсоовол “элгээрээ хэвтэж” болзошгүй

Америкийн цөмийн салбар Оросоос уран нийлүүлэлтээ зогсоочихвол “элгээрээ хэвтэж” болзошгүй. Уг салбарт ажилладаг АНУ-ын хэд хэдэн компани ураныг хоригоос гаргахын тулд Цагаан ордонд шахалт үзүүлэхийг эрмэлзэж байна.

Вашингтон Украиныг цэрэггүйжүүлэх, нацизмыг устгах ажиллагаа явуулсны хариу болгон дахин нэг багц хориг арга хэмжээ авахаар төлөвлөж байгаагийн дотор уран оржээ. Энэ тохиолдолд Оросын хямд уранаас хүчтэй хамааралтай цөмийн салбар нь хамгийн ихээр өртөнө.

Учир нь АНУмаш удаан хугацаанд уран бие даан олборлохгүй, Оросоос худалдан авч байгаа аж. Тус салбарт үйл ажиллагаа явуулдаг Америкийн компаниуд өөрсдөө уран олборлох бодолтой, боломжтой гэдгээ олон удаа зарлаж байсан ч нэг ч удаа амжилт олоогүй юм.

Гэтэл үүн дээр тус салбарт хориг тогтоочих юм бол Америкийн цөмийн салбарынханд томоохон цохилт үзүүлж, түүхий эдгүй болгох аюултай. Нэрээ нууцалсан эх сурвалжуудын мэдээлж байгаагаар өдгөө компаиуд энэ хязгаарлалтаас аль болох татгалзуулах бодлого баримталж байна. Тухайлбал эрчим хүчний салбарын компани Duke Energy Corp, Exelon Corp компаниуд Цагаан ордонд энэ асуудлыг хөндөхөөр төлөвлөжээ.

Цөмийн салбарын эрчим хүчний компаниудыг нэгтгэдэг АНУ-ын Үндэсний эрчим хүчний хүрээлэн США (National Energy Institute, NEI) ураны зах зээлээ өргөжүүлэх, шинэ нийлүүлэгч хайх шаардлагатай гэж мэдэгдсэн ч Оросын урангүйгээр салбар нь удаан ажиллах боломжгүй гэдгээ хүлээжээ. Үүний зэрэгцээ хэд хэдэн компани стратегийн энэ түүхий эдийг бие даан олборлож эхлэхэд бэлэн байгаагаа илэрхийлэх гэж байна. Өндөр баяжуулсан уран, бага баяжуулсан ураны зөвшилцлийг АНУ, Орос хоёр улс 1993.02.18-нд байгуулсан аж.