Европ дахь хийн фьючерсийн үнэ бүх цаг үеийн түүхэн амжилтаа даван дээд цэгтээ хүрч 2199 ам.долларт хүрчээ. Лондонд төвтэй ICE Futures биржийн мэдээлснээр хийн үнэ мянган шоо метр нь 2200 ам.долларт хүрч, өсөлтийн шинэ түүхэн хуудсыг нээсэн байна. Хамгийн сүүлийн дээд амжилтыг арванхоёрдугаар сарын 21-нд тогтоосон бөгөөд тэр мянган шоо метр нь 2100 ам.доллараар арилжаалагдаж байжээ.
Европын хийн зах зээл олон сарын турш халуурч байна. Өнгөрсөн оны хавар нэг мянган шоо метр үнэ 250-300 ам.долларт хэлбэлзэж байсан бол наймдугаар сарын эцэс гэхэд 600 ам.долларт хүрч, аравдугаар сард анх удаа 1000, арванхоёрдугаар сард 2000 мянган ам.долларыг давсан юм.
Үүний дараа бага зэрэг унасан боловч үнэ нь тогтмол өндөр хэвээр байсан юм. Энэ үзэгдлүүд Европ дахь хийн төвүүдийн үйл ажиллагааны бүх цаг үеийн түүхэнд ажиглагдаж байгаагүй юм. Үүнийг мэргэжилтнүүд Европын газар доорх агуулахуудын ачаалал буурсан, томоохон нийлүүлэгчдийн нийлүүлэлт хязгаарлагдсан. Ази тивд шингэрүүлсэн хийн эрэлт их байгаатай холбон тайлбарлаж байна.
Хоёрдугаар сарын эхээр фьючерс 800-1030 ам.долларын хооронд хэлбэлзэж байсан ч хоёрдугаар сарын 21-нд ОХУ-ын Ерөнхийлөгч Владимир Путин Бүгд Найрамдах Донецк, Луганск Ард Улсын тусгаар тогтнолыг хүлээн зөвшөөрсөн зарлигт гарын үсэг зурж, хоёрдугаар сарын 24-нд цэргийн тусгай ажиллагаа явуулсны дараа үнэ нь огцом өссөн юм.
Шинжээчдийн үзэж байгаагаар цэргийн дээд зэрэглэлийн идэвхтэй үйл ажиллагааны улмаас хийн үнэ нэгээс олон удаа дээд амжилтаа эвдэж магадгүй байна.
