ЭМЯ: Сүүлийн 24 цагт 761 тохиолдол батлагдаж, халдварын улмаас 3 иргэн нас баржээ

Эрүүл мэндийн яамнаас мэдээлснээр, улсын хэмжээнд сүүлийн 24 цагийн хугацаанд хийсэн шинжилгээгээр Covid-19 цар тахлын 761 шинэ тохиолдол батлагдаж,  3 иргэн нас баржээ. Ингэснээр халдварын улмаас нас барагсдын тоо 2,083-д хүрсэн байна.

Батлагдсан тохиолдлын 361 нь Улаанбаатарт, 400 нь орон нутагт бүртгэгджээ. Өнөөдрийн байдлаар 5,573 хүн эмнэлэгт хэвтэн эмчлүүлж байгаа бол хөнгөн хэлбэрийн оноштой 18,080 хүн Өрхийн эмчийн хяналт дор гэрээр эмчлүүлж байна.