БНСУ-ын Өмнөд Чунчон мужид COVID-19 мутант Omicron вирусын 5 шинэ тохиолдол нэмэгджээ. Үүнээс хоёр нь орон нутгаас илэрсэн халдвар болох нь тогтоогдсон. Харин Өмнөд Чунчон мужаас 3-ны өдөр мэдээлснээр, Монгол, АНУ-аас орж ирсэн 3 хүн коронагийн халдвараар өвчилсөн нь тогтоогдсон бөгөөд 2 хүн нь Омикрон вирусын халдвар авсан нь тогтоогджээ.
Үүний үр дүнд Испаниас ирсэн гэр бүлийн гурван гишүүн, Их Британи, Филиппинээс хоёр хүний дараа тус мужид халдвар авсан хүний тоо 10 болж нэмэгдсэн байна.
Өнгөрсөн сарын 15, 25, 28-ны өдрүүдэд Монгол Улс, АНУ-аас гурван хүн ирсэн бөгөөд Монголоос ирсэн нэг иргэнээс өнгөрсөн сарын 31-нд, АНУ-аас ирсэн хоёр хүнээс 2 ба 3-ны өдрүүдэд Омикрон вирус илэрсэн байна. Харин орон нутгаас илэрсэн гэх үлдсэн хоёр хүн нь Чежү арал дахь Омикрон өвчнөөр өвчилсөн хүнтэй ойр дотно харьцсан нь шинжилгээгээр тогтоогджээ. Хорио цээрийн дэглэмийн албаныхан ойр дотны хүмүүс болон онгоцны зэргэлдээ суудалд сууж буй зорчигчдын талаар холбогдох орон нутгийн засаг захиргаанд мэдэгдэхээр төлөвлөж байгаа аж.
Эх сурвалж: juju5440@news1.kr
