ОХУ, Монгол Улстай шууд нислэгээ ирэх сарын 1-нээс сэргээх болсон талаар ГХЯ-ны Консулын газраас өнгөрсөн долоо хоногт мэдээлсэн. Нислэг сэргээснээр Улаанбаатар-Москва, Улаанбаатар-Улаан-Үүд, Улаанбаатар-Эрхүү, Улаанбаатар- Красноярскийн чиглэлд нислэг үйлдэх боломж бүрдэнэ.
Үүнтэй холбоотойгоор “Хүннү эйр” компани Улаанбаатар-Улаан-Үүд чиглэлийн хуваарьт нислэгээ ирэх сараас эхлэн үйлдэхээр болжээ. Ингэхдээ долоо хоногт нэг удаа нислэг хийнэ. Эхний нислэгээ арванхоёрдугаар сарын 4-нд үйлдэхээр төлөвлөжээ.
