Хурдан морины уралдааны комисс хязаалан насны уралдаанд бүртгүүлсэн 304 үрээнд үүлдэрийн шалгалт хийсэн байна. Тэдний 151 нь үүлдэр гарал нь монгол биш гэсэн шалтгаанаар хасагджээ. Шадар сайд У.Хүрэлсүх энэ жилийн баяр наадмын монгол морины уралдаанд эрлийз адуу уралдуулахгүй гэсэн шийдвэрийг гаргасан нь зохион байгуулагчдын зүгээс дээрх шийдвэрийг гаргахад хүргэжээ.
