АНУ-ын Элчин сайдын яамны Иргэн, цэргийн дэмжлэгийн бүлгийн тэргүүн ахлагч Брайн Грийнээрээр ахлуулсан ажлын баг Онцгой байдлын газрын удирдлагуудтай уулзаж, хамтын ажиллагааны талаар санал солилцлоо.
Энэ үеэр алба хаагчдад уулын болон усны аврах ажиллагаа явуулахад шаардлагатай тоног төхөөрөмж, багаж хэрэгсэл хандивласан юм.
Мөн аврагчдыг чадавхжуулах сургалт хийхээр төлөвлөсөн цар тахлын нөхцөл байдал хүнд байгаатай холбогдуулан сургалтыг ирэх аравдугаар сард хийхээр боллоо гэж Баян-Өлгий аймгийн Онцгой байдлын газраас мэдээллээ.
