Монгол Улсад коронавируст халдвар бүртгэгдсэнээс хойш 46 эрүүл мэндийн байгууллагатай холбоотой халдвар гарсан байна. Гуравдугаар сарын 28-ны өдрийн байдлаар 326 эрүүл мэндийн ажилтан халдварт өртөөд байгаа бөгөөд нийт өвчлөлийн 4.6 хувьтай байна. Халдвар авсан 326 ажилтны 70 хувь ажил үүргээ гүйцэтгэж байхдаа 30 хувь нь хүн амын дундаас халдвар авсан аж.
ДЭМБ-ын судалгаагаар олон улсад эрүүл мэндийн ажилтнуудын халдвар нийт халдварын 12-15 хувийг эзэлж байгаа бөгөөд манай улс үүнтэй харьцуулахад бага байгаа. Гэсэн хэдий ч сүүлийн үед эрүүл мэндийн байгууллагатай холбоотой халдвар нэмэгдэж байна. Гуравдугаар сарын 22-ноос хойш улс, хувийн хэвшлийн 16 эрүүл мэндийн байгууллагад халдвар бүртгэгдэж, 32 эрүүл мэндийн ажилтан халдвар аваад байгаа ХӨСҮТ-ийн Тандалт, судалгааны албаны дарга Ж.Байгалмаа хэллээ.
Л.Баяр
