Хүнс, хөдөө аж ахуй, хөнгөн үйлдвэрийн яам, Монголын ноос ноолуурын холбоотой хамтран боловсруулсан “Ноолуурын салбарыг хөгжүүлэх зорилт, арга хэмжээ” төсөлтэй танилцууллаа.
Ноолуурын салбарт ойрын хугацаанд авч хэрэгжүүлэх бодлогын баримт бичгийг танилцуулсан тус үйл ажиллагаанд УИХ-ын гишүүд, Хүнс, хөдөө аж ахуй, хөнгөн үйлдвэрийн дэд сайд Г.Батсуурь, Хөнгөн үйлдвэрийн бодлогын хэрэгжилтийг зохицуулах газрын дарга М.Дондогдорж болон Монголын ноос ноолуурын холбоо, “Говь”, “Баялаг-Өлзий” зэрэг хувийн хэвшлийн төлөөллүүд оролцсон юм.
Үйл ажиллагааны үеэр УИХ-ын гишүүд “Ханбогд кашимер” компанийн үйлдвэртэй танилцаж, тус салбарыг хөгжүүлэхэд тулгарч байгаа асуудал, шийдвэрлэх арга замын талаар харилцан санал солилцлоо.
Эх сурвалж: ХХААХҮЯ
