Нийслэлийн статистикийн газар хүнсний бүтээгдэхүүнийн үнийн судалгааг гаргажээ. Хүнсний томоохон захуудад үхрийн ястай махны үнэ өнгөрсөн долоо хоногийн мөн үеэр 5.3 хувь буюу 430 төгрөгөөр буурч “Хар хорин” хүнсний захад хамгийн хямд 6500 төгрөгөөр худалдаалж байгаа бол “Меркури” хүнсний захад үхрийн мах кг нь 8500 төгрөгийн ханштай байна. Мөн хонины махны үнэ буурч 5500-7500 төгрөгөөр болжээ. Харин гурил, хүнсний ногооны үнэ тогтвортой байна.
