Дархан хотод халдварын тохиолдол батлагдлаа. Тодруулбал, энэ сарын 7-ны өдөр нийслэлийн Нэгдүгээр амаржих газар буюу Өргөө төрөх эмнэлэгт мэс засалд орсон иргэн 54 настай О, 53 настай М нарын долоо дахь хоногт нь авсан давтан шинжилгээнээс коронавирусийн халдвар батлагдсан байна.
Уг мэдээллийг Дархан-Уул дахь Эрүүл мэндийн газраас ХӨСҮТ-д ирүүлжээ. Халдвар батлагдсан тул халдвар илэрсэн иргэдийг маргааш Улаанбаатар руу татан авахаар болжээ.
Эхний ээлжид нэгдүгээр хавьтлын найман хүнийг тусгаарласан байна.
Л.Баяр