Сар шинийн баярын босгон дээр эрхэлсэн ажилдаа амжилт гаргасан салбар бүрийн төлөөллийг төрийн алдар, цолоор шагнах Монгол Улсын Ерөнхийлөгчийн зарлиг гарсан байна. Шагналыг өнөөдөр 11:40 цагт Төрийн ордонд гардуулахаар болжээ.
Монгол Улсын Төрийн соёрхол цолоор:
ЭХЭМҮТ-ийн Эрүү, нүүрний мэс заслын тасгийн эрхлэгч, клиникийн профессор Г.Аянга ахлагчтай багийн “Уруул тагнайн төрөлхийн сэтэрхийн цогц эмчилгээг Монгол Улсын хэмжээнд шийдсэн нь” бүтээл
Монгол Улсын ардын жүжигчин цолоор:
МУГЖ, дуучин С.Батсүх
Монгол Улсын Урлагийн гавьяат зүтгэлтэн цолоор:
Улсын драмын эрдмийн театрын ерөнхий найруулагч, Төрийн соёрхолт Н.Наранбаатар,
Хөгжмийн зохиолч Б.Магсаржав,
Олон улсын хүүхдийн “Найрамдал” цогцолборын ерөнхий захирал, жүжигчин Б.Отгонбат
“Циркус Монголиа Хадгаа” циркийн захирал Ч.Хатанбаатар
Монгол Улсын гавьяат жүжигчин цолоор:
Улсын дуурь, бүжгийн эрдмийн театрын гоцлол бүжигчин А.Саруул
Монгол Улсын Соёлын гавьяат зүтгэлтэн цолоор:
Монгол HD телевизийн дэд захирал, хөтлөгч С.Чимгээ,
Гэрэл зурагчин Д.Цэрэннадмид
Гавьяат дасгалжуулагч цолоор:
Монголын үндэсний сагсан бөмбөгийн холбооны ерөнхий нарийн бичгийн дарга С.Тулга нарын хүмүүсийг шагнахаар болжээ.
