Эрүүл мэндийн улсын алба – тохиолдлын удирдлагын тогтолцооны ээлжит хурал боллоо

Эрүүл мэндийн улсын алба- тохиолдлын удирдлагын тогтолцооны ээлжит 23-р хурлаар Коронавируст халдварын үед эрүүл мэндийн тусламж, үйлчилгээ үзүүлж буй эрүүл мэндийн ажилтны хөдөлмөрийн нөхцөлд хийсэн үнэлгээний үр дүн, ХӨСҮТ-ийн эрсдэлийн үнэлгээний дүгнэлт, зөвлөмж болон шинээр мутацид орсон вирус, тандалтын асуудлаар хэлэлцлээ.

Тус хурлыг ЭМУА-ТУТ-ын орлогч дарга, Эрүүл мэндийн дэд сайд Ш.Анхмаа удирдаж, холбогдох албаны хүмүүст судалгааны ажлын зөвлөмжийн хүрээнд болон яаралтай шийдвэрлэх хэд хэдэн асуудлаар дараах үүрэг чиглэл өглөө.

Үүнд:

• Ковид-19 халдварын хариу арга хэмжээний бэлэн байдлын талаар хэрэгжиж байгаа тушаал шийдвэрийн хэрэгжилтийг үнэлж, тулгамдаж байгаа асуудлыг шийдвэрлэх санал боловсруулж танилцуулахыг ХШҮГ-т;
• дүүргийн Эрүүл мэндийн төвүүдэд шинээр нээж байгаа молекул биологийн лабораторийн бэлэн байдлыг хангах, үйл ажиллагааг нь эхлүүлэх, хүний нөөцийн төлөвлөлтийг нарийвчлан гаргаж, сургаж дадлагажуулах ЭТБХЗГ, ТЗУГ-т;
• Эмч, эмнэлгийн мэргэжилтнүүд, инженер техникийн ажилтнууд, жолооч бүх хүнийг хамгаалах хувцас хэрэгсэл өмсөж тайлах дадалд сургаж, бэлтгэхийг ТЗУГт,
• Эрүүл мэндийн байгууллагын агааржуулалт, цэвэр, бохир усны байгууламжийн засвар үйлчилгээ, камержуулах асуудлыг үе шаттайгаар шийдвэрлэх;
• ХӨСҮТ-д ажиллах менежментийн багийн бүрэлдэхүүнийг шуурхай батлуулж, ажлыг эхлүүлэхийг ТЗУГ-т үүрэг болголоо.

Эрүүл мэндийн яам