Манай улс энэ сард гадаадаас авч ирсэн иргэдээ 21 хоног тусгаарлахаар төлөвлөөд байжээ. Үүнийхээ дагуу тухайн иргэдээс тусгаарлах байр, хоолны төлбөрийг 21 хоногоор тооцож авсан байна.
Гэвч Улсын онцгой комиссын шийдвэрийн дагуу 14 хоног тусгаарлахаар болжээ.Тиймээс тусгаарлах байр, хоолны зардлын мөнгөө 21 хоногоор төлсөн иргэд өргөдөл, шилжүүлгийн баримтын хуулбар, бичиг баримтаараа илүү төлбөр төлснөө нотолж зөрүү мөнгөө авах юм байна. Нотлох бичиг баримтуудаа obeg.sankhuu@gmail.com хаягаар явуулах боломжтой гэж Онцгой байдлын ерөнхий газраас мэдээллээ.
