Увс аймагт Европын Холбооны стандартын дагуу мах, махан бүтээгдэхүүн боловсруулах үйлдвэрийн шав тавих ёслол энэ сарын 11-нд болж өнгөрөв.
Тус үйлдвэрийг ашиглалтанд орсоноор нэг ээлжиндээ 40-50 бод, 120-150 бог бэлтгэж жилд 1000 тн малын мах болон 600 тн хагас, бэлэн боловсруулсан бүтээгдэхүүн бэлтгэн нийлүүлж 70-80 хүнийг ажлын байраар хангах юм.
Малчдаас үйлдвэрт нийлүүлсэн мал сүргийг бар кодоор мэдээллийн санд бүртгэснээр урьдчилан сэргийлэх үзлэгт хамруулж хүнсний эрүүл, аюулгүй байдлыг бүрэн хангаж байгаагаараа онцлогтой. Албаны хүмүүсийн хэлсэнээр үйлдвэр 11 сарын дараа ашиглалтанд орох юм байна.
