НИТХ анхдугаар хуралдаан болж байна.
Тус анхдугаар хуралдаанаар:
- НИТХ-ын 2020 оны ээлжит сонгуулийн дүн, Төлөөлөгчдийн бүрэн эрхийг хүлээн зөвшөөрүүлэх тухай асуудлыг Нийслэлийн сонгуулийн хорооны дарга Ү.Ганболд танилцуулна.
- НИТХ-д намын бүлэг байгуулах тухай
- НИТХ-ын даргыг сонгох тухай
- Нийслэлийн Засаг дарга бөгөөд Улаанбаатар хотын захирагчид нэр дэвшүүлэх тухай асуудлыг хэлэлцэнэ хэмээн хуралдаан даргалагч Р.Дагва танилцуулав.
2020 оны орон нутгийн сонгуулийн үр дүнгээр байгуулагдсан НИТХ анхдугаар хуралдаанаа эхэллээ.
Өнөөдөр тус хурлаар Улаанбаатар хотын Засаг даргад нэр дэвшээд буй Д.Сумъяабазар, НИТХ-ын даргад нэр дэвшсэн Ж.Батбаясгалан нарын асуудлыг хэлэлцэнэ. Улмаар дээрх хоёр нэр дэвшигчийг дэмжих, эсэх санал хураалтыг нууцаар явуулна. Хэрэв дэмжигдвэл нэрийг Ерөнхий сайдаар батламжлуулах юм.
Найм дахь удаагийн НИТХ-ын анхдугаар хуралдааныг шинээр сонгогдсон төлөөлөгчдөөс насаар хамгийн ахмад нь удирдан явуулах бөгөөд өмнөх НИТХ-ын дарга Р.Дагва хамгийн ахмад нь тул хуралдааныг даргалж байна. Хуралдаанд 45 төлөөлөгч 100 хувь ирцтэй оролцож байна.
