Гадаад харилцааны дэд сайд Б.Мөнхжин Бүгд Найрамдах Чех Улсаас Монгол Улсад суугаа Элчин сайд Ийржи Бродскийг өнөөдөр хүлээн авч уулзлаа.
Дэд сайд Б.Мөнхжин Монгол Улсын 185 иргэнийг Чехээс тусгай үүргийн онгоцоор татан авахад ихээхэн дэмжлэг туслалцаа үзүүлсэн Чех Улсын Засгийн газар, Европын Холбоо, Прага дахь Олон улсын шилжилт хөдөлгөөний байгууллагад талархал илэрхийлэв.
Талууд хоёр улсын хооронд дипломат харилцаа тогтоосны 70 жилийн ойн хүрээнд хэрэгжүүлэх айлчлал, худалдаа, эдийн засгийн харилцааг өргөжүүлэх, харилцан ашигтай хамтарсан төсөл, хөтөлбөр хэрэгжүүлэх асуудлыг хөндөн ярилцав.
