Эрүүл мэндийн яамны ээлжит мэдээллийн цагаар ХӨСҮТ-ийн ерөнхий захирал Д.Нямхүү хэлэхдээ “7-р сарын 25-ны өдөр улсын хэмжээнд 176 хүнд шинжилгээ хийхэд коронавирус илрээгүй. Тодруулбал Афганистанд энхийг сахиулж байсан 124 дайчин өчигдөр тусгай үүргийн онгоцоор эх орондоо ирсэн. Эдгээр цэрэг дайчдад хийсэн эхний шинжилгээгээр коронавирус илрээгүй. Дараагийн давтан шинжилгээнд онцгойлон анхаарлаа хандуулна” гэлээ.
