Батлан хамгаалахын яамны харъяа, Зэвсэгт хүчний “Алдар” спорт хорооны удирдлага, багш, дасгалжуулагчид, тамирчид нийлсэн 150 гаруй хүний бүрэлдэхүүнтэйгээр “Бидний тарьсан хог биш, гэхдээ бидний орчин” уриан дор энэ сарын 23-ны бямба гарагт 19 тонн хог цэвэрлэжээ.
Тэд Баянзүрх дүүргийн Гачуурт тосгонд байрлах “Монгол шилтгээн”-ээс ”Баянзүрх дүүргийн гүүр хүртэлх Туул гол орчмын эрэг дагуух 11,8 км газрыг цэвэрлэсэн байна. Тус дүүргийн төрийн үйлчилгээний газар ТҮК хог ачих машинаар дэмжлэг үзүүлжээ.
