Эрүүл мэндийн яамнаас коронавирусийн халдварын талаар мэдээлэл хийж байна. /2020.05.22/
ЭМЯ-ны газрын дарга Д.Нарангэрэл: Дэлхийн хэмжээнд коронавирусийн халдвар авсан 103 мянган хүн нэмэгдлээ. ОХУ-д 8843 хүн нэмж халдвар авсан байна. Орон нутгийн галт тэргэнд 4423 хүнд тандалт судалгаа хийхэд сэжигтэй хүн илрээгүй. Одоогоор тусгаарлах байранд нийт 1156 хүн байна. ЗӨСҮТ-ийн баг зочид буудлуудад ариутгал хийжээ.
Эрсдэлийн найм дахь үнэлгээг өчигдөр цахимаар хийж Эрүүл мэндийн сайд биечлэн оролцлоо. Үүгээр манай улс эрсдэлийн маш өндөр түвшинд байгааг тодорхойлсон.
Шуурхай утасны 224 дуудлага ирсний Швед, Австри, ОХУ, АНУ-аас 10 иргэн зөвлөмж авсан. Иргэд банкны АТМ-д ариутгал хийхийг ихээр хүссэн. Мөн амны хаалтны байнгын хэрэглээг нийтэд тогтмолжуулахыг хүсчээ.
