Эрх мэдлээ урвуулан ашигласан гэх үндэслэлээр хурандаа нарыг өнөөдөр шүүнэ

Батлан хамгаалах яамны Төрийн нарийн бичгийн дарга асан, хурандаа Б.Батсайхан, Зэвсэгт хүчний барилгын цэргийн 017, Орхон аймаг дахь Барилгын цэргийн 110 дугаар ангийн захирагч асан, хурандаа Л.Балдан-Очир, тус ангийн Санхүүгийн дарга, ерөнхий нягтлан бодогч Г.Сугар нарт холбогдох, эрх мэдлээ урвуулан ашигласан хэргийг өнөөдөр /2020.05.04/ хэлэлцэнэ.

Хурал Сонгинохайрхан дүүргийн Эрүүгийн хэргийн анхан шатны шүүхэд 13.00 цагт товлогдсон бөгөөд нийслэлийн прокурорын газраас Л.Балдан-Очир нарт Эрүүгийн хуулийн тусгай ангийн 22.1 дугаар зүйлийн 2 буюу албан тушаал эрх мэдлээ урвуулан ашигласан гэх үндэслэлээр яллах дүгнэлт үйлдсэн байдаг.