Увс аймгийн Хар ус нуур орчимд улсын тусгай хамгаалалттай газрын хамгаалалтын захиргааны байгаль хамгаалагчид шалгалт хийжээ. Шалгалтаар хууль бусаар загас агнахаар нууранд 30 ширхэг тор тавьсан байсныг илрүүлсэн байна.
Торонд нийтдээ 270 орчим загас орсон байсныг нууранд буцаан тависан аж. Одоогоор хэргийн эзэн холбогдогч нь олдоогүй байна. Хар ус нуурын мөсний зузаан одоо 55 см, цаг агаарын хувьд өдөртөө 25-28, шөнөдөө 30 хэмийн хүйтэн байна гэлээ.