Засгийн газраас “Эрдэнэс Тавантолгой” ХК-ийн талаар авах зарим арга хэмжээний тухай 296 дугаар тогтоол батлагдаж, уг тогтоолын дагуу “Эрдэнэс Тавантолгой Майнинг” хэмээх нэртэй компани “Эрдэнэс Тавантолгой”-н охин компани болон байгуулахаар болсон. “Эрдэнэс Тавантолгой Майнинг”-ийн захирлаар УИХ-ын гишүүн асан, “Эрдэнэт” үйлдвэрийн захирал асан Х.Наранхүү томилогдон ажилдаа оржээ. Эрдэнэс Тавантолгой Майнинг”-ын гүйцэтгэх захирлаар ажиллах болсон Х.Наранхүү 1955 оны аравдугаар сарын 15-нд Улаанбаатар хотод төрсөн. Өөрөөр хэлбэл өдгөө 64 настай, тэтгэвэртээ гарсан нэгэн ажээ. Өндөр настай экс гишүүнийг тус компанийн захирлаар томилсонд компанийнхан нь таатай хүлээн аваагүй байна.
Түүнчлэн “Эрдэнэс Тавантолгой Майнинг”-ийн бүтэц батлагдаж, гүйцэтгэх болон тэргүүн дэд захирлаас гадна Үйлдвэрлэл, Санхүү, Хууль эрх зүй, Борлуулалт, маркетинг хариуцсан 4 дэд захиралтай ажиллахаар болжээ. Хөгжлийн төсөл, Хөдөлмөрийн аюулгүй ажиллагаа, Хүний нөөцийн гэсэн гурван газар, 16 хэлтэстэйгээр үйл ажиллагаа явуулахаар болжээ.
Өнгөрсөн долоо хоногт шинээр байгуулсан “Эрдэнэс Тавантолгой”-н охин компанийн захирлаар УИХ-ын гишүүн, Эрдэнэт үйлдвэрийн даргаар ажиллаж байсан Х.Наранхүүг томилсон тухай эх сурвалжууд мэдээлж байгаа юм. Ингэснээр Зүүн Цанхийг Х.Наранхүү хариуцахаар болж байна.
Х.Наранхүү 1955 оны аравдугаар сарын 15-нд Улаанбаатар хотод төрсөн. Нийслэлийн II дунд сургуулийг 1973 онд дүүргэж үлмаар Киевийн Улсын их сургуулийг Олон улсын эдийн засагч мэргэжлээр 1978 онд төгссөн. Орос, англи хэлтэй.
1978-1979 онд Гадаад хэргийн яаманд мэргэжилтэн, 1979-1989 Сайд нарын зөвлөлд референтээр, 2007-2008 онд Засгийн газрын гишүүн, Үйлдвэр, худалдааны сайд, 1989-1994 онд Үйлдвэр, худалдааны яаманд газрын даргаар ажиллаж байв. Улмаар 1994-1998 онд АНУ дахь Монголын Элчин сайдын яаманд зөвлөх, 1998-2000 онд “СС Монгол” компанийн ерөнхий захирлаар ажиллажээ. 2008-2012 онд УИХ-ын гишүүнээр сонгогдон ажилласан.
2000-2007 оны үед тэрбээр “Эрдэнэт” үйлдвэрийн ерөнхий захирлаар ажиллаж байжээ. Тэрбээр 2012 онд МАХН-ын дарга Н.Энхбаярын шүүх хуралд хотын дарга асан Ц.Батбаярын хамт гэрчээр дуудагдаж байв. Энэ нь түүнийг Ерөнхий сайд, УИХ-ын дарга, Ерөнхийлөгчөөр ажиллаж байсан Н.Энхбаярын ойрын хүн гэсэн хардлагыг улс төрийн хүрээнд төрүүлдэг.
Түүнийг АТГ-аас “Эрдэнэт” үйлдвэрийн ерөнхий захирлаар ажиллаж байхдаа ган бөмбөлөг нийлүүлэх ажилд хуйвалдсан хэргээр баривчлахаар зэхэж байгаа талаар тухайн үед нийтлэгдэж байв. Х.Наранхүү нь УИХ-ын гишүүнээр сонгогдож, “Эрдэнэт” үйлдвэрийн захирлаар 2000-2007 онд ажиллаж байхдаа албаны эрх мэдлээ хэтрүүлж, албан тушаалаа урвуулж ашиглан, их хэмжээний хөрөнгө хувьдаа завшсан хэргээр Авлигатай тэмцэх газраар шалгуулж байжээ.
Энэ шоронд байх ёстой хүн шүү дээ. Зайлуулаачнэ Ганхуягаа. Энэ арай дэндэнээ.
arai arai
Ард түмний татвараар тансаглаж ханадаггүй хүмүүсийг дахин дахин томилохоо болиочээээээ