Г.Арсланхуяг: Осол, зөрчлийн тохиолдол 20 хувиар буурсан

Цагдаагийн ерөнхий газар, Тээврийн цагдаагийн албатай хамтран өнгөрөгч зургаадугаар сард “Яараад яах вэ дээ” аяныг зарласан. Энэхүү аян үр дүнгээ өгч зам тээврийн гэмт хэрэг 63.9 хувиар, нас барсан хүний тоо 21.7 хувиар, харин гэмтсэн хүний тоо 59.5 хувиар тус тус буурчээ.

“Дураараа биш ээ Дүрмээрээ” соён гэгээрүүлэх арга хэмжээг энэ оны ес болон аравдугаар сард амжилттай зохион байгууллаа. Аяны зорилго нь зам тээврийн ослоос урьдчилан сэргийлэх, авто замын хөдөлгөөнд оролцогчдын сахилга, хариуцлагыг дээшлүүлэх явдал гэдгийг өдөрлөгийн үеэр онцолсон юм.

image

Мөн ЦЕГ-ын Урьдчилан сэргийлэх хэлтсээс “Дураараа бишээ Дүрмээрээ” арга хэмжээний хүрээнд жолооч болохоор бэлтгэгдэж байгаа суралцагчид, их, дээд сургуулийн оюутнууд, сайн дурын ажилтан, “School police” төвийн төлөөллийг оролцуулан зам тээврийн осол, хэргээс урьдчилан сэргийлэх, авто замын хөдөлгөөнд оролцогчдын сахилга хариуцлагыг дээшлүүлэх, хөдөлгөөнд оролцогч нарын сөрөг хандлагыг өөрчлөх, соёл төлөвшүүлэх чиглэлээр мэдээлэл өглөө.

ЦЕГ-ын Урьдчилан сэргийлэх хэлтсийн дарга, хурандаа Г.Арсланхуяг: Хот, суурин газар гарч байгаа зам тээврийн ослоос урьдчилан сэргийлэх, жолооч нарын соёл ухамсрыг дээшлүүлэх, мэдээлэл, сурталчилгаа, ухуулга нөлөөллийн ажлуудыг хийж, хэрэгжүүллээ. Тодруулбал, нийтийн цахим сүлжээ, лед дэлгэцээр видео шторк, постер түгээж, гудамж талбай, олон нийтийн газар тараах материал, мэдээлэл байршуулж, телевиз, FM радиогоор урьдчилан сэргийлэх агуулгатай мэдээ, мэдээллийг тогтмол өгсөн. Түүнчлэн нэг сарын хугацаанд хэрэгжсэн уг аяны хүрээнд осол, гэмтэл 20 орчим хувиар буурсан байна. Мөн жолооны 200 гаруй дамжааны суралцагчдад “Дураараа биш ээ дүрмээрээ” аяны ойлголт, мэдээллийг өгсөн өдөрлөг боллоо” гэв.

Зам тээврийн осол өнөөдрийн байдлаар өмнөх оны мөн үетэй харьцуулахад улсын хэмжээнд гарсан гэмт хэрэг 16.3 хувь, нас барсан хүний тоо 22.2 хувь, гэмтсэн хүний тоо 22.4 хувь, нийслэлд гарсан гэмт хэрэг 24.5 хувь, орон нутагт гарсан гэмт хэрэг долоон хувиар тус тус буурчээ.

image

updown.mn

Мэдээний админ

Learn More →

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн