Ерөнхий сайд асан Ж.Эрдэнэбатын бүрэн эрхийг түдгэлзүүлэх саналыг УИХ-д хүргүүлээгүй байна

Өнгөрсөн долоо хоногт Нийслэлийн прокурорын газраас Ерөнхий сайд асан, УИХ-ын гишүүн Ж.Эрдэнэбатыг яллагдагчаар татах тогтоолыг баталсан. Ингэснээр Ж.Эрдэнэбат гишүүн эрүүгийн хэргийн яллагдагчаар тооцогдох болсон.

Ерөнхий сайд Ж.Эрдэнэбатын бүрэн эрхийг түдгэлзүүлэх саналыг прокурорын байгууллагаас УИХ-д хүргүүлсэн гэх мэдээлэл цацагдах болов. Энэ талаар НПГ-ын газраас лавлахад “Одоогоор хэн нэгэн гишүүний бүрэн эрхийг түдгэлзүүлэх саналыг УИХ-д хүргүүлээгүй байна” гэсэн хариулт өглөө.

УИХ-ын гишүүн Ж.Эрдэнэбатын бүрэн эрхийг түдгэлзүүлэх шаардлагатай гэж үзвэл НПГ-аас Улсын Ерөнхий Прокурорт санал хүргүүлж, улмаар УЕП-оос УИХ-д уг саналыг хүргүүлнэ.
Ж.Эрдэнэбат гишүүний яллагдагчаар татагдаад буй хэргийн талаар эргэн сануулахад, тэрбээр Ерөнхий сайдын үүрэг гүйцэтгэгчээр ажиллаж байх хугацаандаа Тост, Тосон бумбын нурууны байгалийн нөөц газрын хилийн заагт талбай нь давхацсан тусгай зөвшөөрөл эзэмшигчтэй хэлэлцэн тохирсны үндсэн дээр нөхөн олговрын зориулалтаар тусгай зөвшөөрөл шинээр олгох талбайн солбицлыг баталсан байдаг.

Энэхүү шинээр тогтоосон тусгай зөвшөөрлөө төрсөн дүү Ж.Эрдэнэтөгстэйгээ хамтран эзэмшдэг “Хэрх Илч” компанид шилжүүлж авсан бөгөөд үүний дараа “Алтай констракшн”-ны Х.Бат-Эрдэнийн “Бэст лэнд майнинг” гэх шинээр байгуулагдсан компанид уг тусгай зөвшөөрлөө худалдсан юм.

updown.mn

Мэдээний админ

Learn More →

One thought on “Ерөнхий сайд асан Ж.Эрдэнэбатын бүрэн эрхийг түдгэлзүүлэх саналыг УИХ-д хүргүүлээгүй байна

  1. дорж 2019-10-15 13:27 at 13:27

    уурхайн нөөцийг хэнч оноод тогтоож чаддаггүй тааж тогтоодог

    Хариулах

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн