Чингэлтэй дүүргийн Эрүүгийн хэргийн анхан шатны шүүхэд өмнөх парламентын үед УИХ-ын гишүүн байсан З.Баянсэлэнгэ нарт холбогдох хэргийг хэлэлцэхээр товлон 9 сарын 30-ны 10.00 цагт хурлыг эхлүүлсэн юм. Гэвч З.Баянсэлэнгэ өмгөөлөгчийнхөө хамт тус шүүхийн шүүгч Б.Халиунаас татгалзаж, улмаар 13.30 цаг хүртэл хойшлуулсан.
Дээрх шүүхийн ерөнхий шүүгч нь З.Баянсэлэнгэ болон түүний өмгөөлөгчийн гаргасан хүсэлтийг хэлэлцэхээр болох үед тэд Чингэлтэй дүүргийн Эрүүгийн хэргийн анхан шатны шүүхээр хэргээ шийдвэрлүүлэхгүй хэмээжээ. Ингэснээр тус шүүхийн нийт шүүгчдийн зөвлөл хуралдах хүртэл хурлыг тодорхойгүй хугацаагаар хойшлууллаа.
Уг нь Барилга, хот байгуулалтын сайдаар ажиллаж байсан З.Баянсэлэнгэ болон БХБЯ-ны мэргэжилтэн М.Болортуяа нарт холбогдох албан тушаалаа урвуулан ашигласан хэргийг Сонгинохайрхан дүүргийн Эрүүгийн хэргийн анхан шатны шүүх өнгөрсөн жил хэлэлцэн шийдвэрлэж ял шийтгэсэн ч Дээд шүүхээс хэргийг нь дахин шалгуулахаар буцаасан юм.
Улмаар М.Болортуяагийн өөр нэг үйлдэл нь Төрийн банкны захирлуудын хэрэгтэй холбогдсон учраас тагнуулын байгууллагад маш нууц байдалд шалгасан Д.Баярсайхан нарт холбогдох үйлдэлтэй нэгтгэн НПГ-аас яллах дүгнэлт үйлдсэн аж. Тус банкны ерөнхий захирал Д.Баярсайханыг 2016-2017 онд банкны Зээлийн ерөнхий хорооны даргаар ажиллаж байхдаа 2017 оны зургадугаар сарын 23-нд 55/01 дугаартай шийдвэр гаргаж, БНХАУ-ын “Шинжан шинфан” компанид 20 тэрбум төгрөгийн зээлийг зургаан сарын хугацаатай олгосон.
Эргэн төлөгдөх хугацаа 2017 оны арванхоёрдугаар сарын 22-нд дууссан ч дээрх компани зээлээ төлөөгүй. Уг зээлийг олгохдоо Д.Баярсайхан Банкны тухай болон өөр нэг бус хууль зөрчсөн хэрэгт холбогдуулан ТЕГ-ын Мөрдөн байцаах газарт шалгасан юм.
Мөн Төрийн банканд гүйцэтгэх захирлаар ажиллаж байсан Б.Цэндсүрэн, өнөөгийн удирдлагын багт нь багтсан тэргүүн дэд захирал Д.Ганбаатар нарыг 4.7 тэрбум төгрөгийн зээл олгохдоо эрх мэдэл албан тушаалаа урвуулж, 98 000 ам.доллар авч, тавилга, бусад эд зүйл хувьдаа авсан хэрэгт буруутгасан байдаг.
Эдгээр хэргийг нэгтгэн НПГ-ын хоёр ч прокурор яллах дүгнэлт үйлдсэн аж. Дээр нэр дурдсан таван хүнээс гадна яллагдагчаар Ц.Энхтунгалаг, Ж.Бурмаа, Л.Чинбат, Г.Тогтохбаатар, Б.Эрдэнэбаатар болон “Шинжан шинфан” ХХК-д эрх бүхий албан тушаал хашдаг Сун Гуан Чин нарыг татаад буй юм.
Эх сурвалж. Г.Равжаа Өнөөдөр сонин
5 comments
Baynselenge gej ichdeggui avgai Mongoliin ard tumniig unen doromjilson avgai shuu,TOSK oos tureesiin bairand ydarsan irgedees ichihgui olon say togrog avsaniig buh hun medej bgaa.Shuuh huuliinhan Ene avgaid yl ogoh estoi.Ard tumen shaardaj baina!!!!
надад өгчихөөчэээ
Сун гуан чин буюу ян сун чин гэсэн 2 нэртэй хятад даа
Д..Ганбаатар нь М.Энх60лдын их ойрын хүн.сайн шалгавал их булхай илэрнэ
Ulsiig 20terbum iin hohirold oruulsan bna. Ene zeeliig awj chadahgui hichneen biznes erhlegch bga bilee dee